Kelty Clippie

Words and Music: John Watt

I hae traivelled through this country from shore to shining shore
From the swamps of Auchterderran tae the jungles o' Lochore
But in all these far-flung places there's nane that can compare
Wi' the lily of Lumphinnans, she's ma bonnie Maggie Blair

Frae the pyramids up in Kelty tae the mansions in Glencraig
We've trod the bings together in mony's the blyth stravaig
Watched the moonlight over Crosshill, trod Buckhaven's golden sand
And mony's the happy oor we spent in Lochgelly's Happy Land

I remember on the 8.15 that night o' romantic bliss
I says, Hey Mag pit doon yer bag, and gie's a wee bit kiss
She didnae tak' that kindly, didnae like ma chaff
Being a contrary kind of bird she said, Come oan, get aff

She hasnae got nae culture, she drives me roon' the bend
Sittin' all night in her big armchair readin' the People's Friend
Her lapels are full of badges frae Butlins down at Ayr
And she goes to the bingo every night with the curlers in her hair

But things is a wee bit better noo, I've gone and got the ring
I won it frae Jim at the pitch an' toss, last night at the Lindsay Bing
Wi' her wee black hat and her ticket machine she did ma hairt ensnare
She's the lily of Lumphinnans, she's ma bonnie Maggie Blair